Аввал хабар берганимиздек, Анвар Бердиев бош мураббийлигидаги асосий таркиб жамоамиз вакиллари бугундан Тошкент шаҳрида навбатдаги ўқув-йиғин машғулотларини бошлашди. Мавсумга пухта ҳозирлик кўриш, жамоавий ўйинни шакллантириш мақсадида эртага Жиззахнинг «Сўғдиёна» клуби билан назорат учрашуви ташкил этилади. Ҳар икки жамоа вакилларининг ўзаро келишувига кўра, мазкур ўйин соат 12:00да Тошкент шаҳридаги «Жар» спорт мажмуаси захира майдонида бошланади.