«Ўзбекистон Кубоги» мусобақасининг янги тартибига кўра, мусобақа саралаш, гуруҳ ва плей-офф босқичидан иборат бўлади.
Саралашнинг биринчи босқичида Про-Лиганинг «Динамо» (Самарқанд), «Нефтчи» (Фарғона), «Истиқлол» (Фарғона), «Турон» (Яйпан), «Хоразм» (Урганч), «Шўртан» (Ғузор), «Зомин» (Зомин) ва «Оқтепа» (Тошкент) клублари қуръага кўра 4та жуфтликка ажратилиб, ўзаро 1та ўйинда беллашади.
Биринчи босқичнинг 4та ғолиби саралашнинг иккинчи босқичида ҳам қуръага кўра 2та жуфтликка ажратилиб, ўзаро 1та ўйинда кучлиларни аниқлаб олишади.
Иккинчи босқичнинг 2та ғолиби Суперлиганинг 14та клубига қўшилиб, гуруҳ босқичига йўл олишади.
Гуруҳ босқичида клублар 4та иштирокчидан иборат 4та гуруҳга ажратилади. Гуруҳларда 1 ва 2-ўринни эгаллаган клублар плей-оффга чиқишади.
«Ўзбекистон Кубоги» мусобақасининг Про-лига клублари иштирокидаги саралаш босқич ўйинлари 23 ва 28 июнь кунлари ўтказилади.
«Турон» футбол клуби матбуот хизмати