Маълумотларга қараганда, жорий турнирда мамлакат ички чемпионатининг Суперлига ва Пролигасида тўп сураётган «Бунёдкор», «Қўқон-1912», «Андижон», «Турон», «Нефтчи», “Бухоро”, «Истиқлол» жамоалари, шунингдек, қўшни Қирғизистон, Тожикистон республикаларининг футбол клублари ва ҳакамлари иштирок этиши кутилмоқда.
Жамоамиз ҳам ушбу турнирига қизғин тайёргарлик кўрмоқда.
Ўйинлар «Нефтчи» спорт мажмуаси, Фарғона давлат университети, Фарғона футбол маҳорат мактаби, Қувасойнинг «Цементчи» ўйингоҳларида ўтиши белгиланган.
Хабарларга кўра, «Ҳоким кубоги-2021» мусобақасида ғолиб чиққан жамоа махсус кубок соҳибига айланади. Бундан ташқари мусобақада 1-ўрин учун 50 миллион, 2-ўрин учун 30 миллион, 3-ўрин учун 20 миллион сўм пул мукофотлари ҳам ваъда қилинган.